Alby, aktorja e filmave për të rritur pjesë e “BBVK” këtë edicion ka treguar se si e nisi rrugëtimin e saj në këtë industri.
Ajo tha se gjithçka nisi nga “budallallëku” i saj dhe dëshira për të qenë e pavarur kur u shpërngul në Florida të SHBA-së.
Në një video përmbledhëse të rrëfimit të saj gjatë javës, Alby shihej në saunë bashkë me Edona James dhe Ledi Vokshin teksa iu tregonte: “Ia kam shkatërru jetën nënës, kujton që nëna ime në Laç e ka jetën e mirë? I thonë ‘vajzën e ke kështu, vajzën e ke ashtu’, edhe ajo prap ua mbyll gojën, iu thotë: ‘Është vajza ime, jo e jotja’”.
Ajo e përmbylli rrëfimin e saj me një mesazh për të gjitha vajzat e reja, që të mos përfundojnë në industrinë e filmave për të rritur.
“Do iu thoja mendoni tri herë para se ta bëni një gjë të tillë sepse nuk është asgjë e veçantë, nuk fiton, por vetëm humb. Edhe familja nuk të lë kurrë, je ti ajo që lë familjen. Veç me mend në kokë edhe dëgjo më shumë prindërit sepse vetëm të mirën ta dojnë”, tha Alby.
