Ditën e djeshme Mozzik ra pre e një grabitjeje në shtëpinë e tij.
Lajmin e bëri të ditur vetë ai përmes një mesazhi publik në Instastory, ku tregoi se hajdutët kishin hyrë brenda dhe kishin thyer kasafortën, duke marrë kështu 100 mijë euro orë, unaza, zinxhira ari me vlerë miliona lekë.
Ai tha se përveç parave i janë vjedhur rreth 15/16 armë me leje dhe komplet sistemin e kamerave.
Ky rast është përfshirë edhe në raportin 24-orësh të Policisë së Kosovës.
Rasti në polici është hapur si “vjedhje e rëndë”, ndodhur me datën 15 tetor.
“VJEDHJE E RËNDË/ Ferizaj /15.10.2023-20:00. Ankuesi mashkull kosovar ka raportuar se persona të panjohur kanë depërtuar me forcë në brendi të shtëpisë së tij, ku nga aty kanë vjedhur disa lloje të armëve, para dhe stoli ari. Lidhur me rastin janë ndërmarrë të gjitha veprimet e nevojshme për procedura të mëtejme hetimore”, thuhet në raportin e policisë.
