Një ngjarje skandaloze ka ndodhur ditët e fundit në kryeqytet, ku i përfshirë është një nga shoferët e kompanisë së taksive ‘Blue Taxi’. E tronditur për atë që kishte parë e përjetuar, një turiste franceze ka denoncuar momentin kur shoferi e ngacmoi atë seksualisht.
Ngjarja ka ndodhur gjatë një udhëtimi nga Tirana për në Vlorë, ku turistja tregon se shoferi fillimisht ka nisur ta prekë e më pas ka filluar të bëjë gjeste me organin gjenital.
Turistja e frikësuar, i kërkon të ndalojë dhe të largohet por ishin në autostradë. Më pas ata ndalojnë pranë një karburanti, ku e tronditur turistja i kërkon që të nxjerrë valixhet nga makina. Shoferi i pashqetësuar për ato që kishte bërë, i kërkon 20 euro për rrugën por turistja i thotë se nuk mund t’i japë pasi ai nuk e dërgoi në vendin ku donte e mbi të gjitha e ngacmoi seksualisht.
Shoferi i mohoi pretendimet e turistes duke thënë se nuk i ka bërë ato veprime. Megjithatë JOQ ka kontaktuar pronarin e kompanisë ‘Blue Taxi’ për rastin, dhe ata thanë se shoferi është pushuar nga puna.
@joqshqip Reagon Blue Taxi: Shoferin e pushuam nga puna Mjafton vetëm largimi nga puna i taksistit?#joqshqip ♬ Originalton – joq shqip
A e justifikon kjo veprimin e shoferit? Masat ‘ndëshkuese’ ndaj këtyre personave duhet të shtohen, pasi edhe rastet e ngacmimit seksual vijojnë të jenë në rritje. Autoritetet duhet të reagojnë publikisht, nuk mjafton vetëm një ‘pushim’ nga puna.
