Një 28-vjeçar është arrestuar ditën e sotme në Përmet, pasi akuzohet se ka kryer marrëdhënie seksuale me një të mitur. Në pranga ka rënë shtetasi me inicialet E.M , mbi të cilin rëndon akuza e abuzimit seksual ndaj një të miture. Ngjarja e turpshme ka ndodhur në muajin qershor.
Ndaj 28-vjeçarit është caktuar masa e sigurisë “Arrest me burg” nga Gjykata e Shkallës së Parë e Juridiksionit të Përgjthshëm Gjirokastër.
Ndërkohë sipas “Nenit 100” të Kodit Penal të Shqipërisë kryerja e marrëdhënieve seksuale me të mitur dënohet nga shtatë deri në pesëmbëdhjetë vjet burg.
Neni 100
Marrëdhënie seksuale ose homoseksuale me të mitur
(Ndryshuar me ligjin nr.8733, datë 24.1.2001, neni 15; ndryshuar fjalët në paragrafin e dytë dhe të tretë me ligjin
nr.144, datë 2.5.2013, neni 20)
Kryerja e marrëdhënieve seksuale ose homoseksuale me fëmijë të mitur, që nuk ka arritur moshën
katërmbëdhjetë vjeç ose me të miturën që nuk ka arritur pjekurinë seksuale, dënohet me burgim nga
shtatë gjer në pesëmbëdhjetë vjet.
Kur marrëdhënia seksuale ose homoseksuale kryhet në bashkëpunim, më shumë se një herë ose
me dhunë, ose kur i janë shkaktuar fëmijës së dëmtuar pasoja të rënda për shëndetin, dënohet me
burgim nga pesëmbëdhjetë gjer në njëzet e pesë vjet, dënohet me burgim jo më pak se njëzet e pesë
vjet.
Kur vepra ka sjellë si pasojë vdekjen ose vetëvrasjen e fëmijës së mitur dënohet me burgim jo më
pak se tridhjetë vjet ose me burgim të përjetshëm
Mirëpo, në të shumtën e rasteve abuzuesit ‘ia hedhin paq’ dhe masa nuk zbatohet. Jo rrallëherë qytetarët janë ngritur në protesta për abuzuesit, duke kërkuar me ngulm rëndimin e masës ndaj tyre.
Por, si shumë thirrje të tjera edhe kjo kërkesë ka shkuar në vesh të shurdhër, ndërsa dënimi për abuzuesit seksualë vazhdon të mbetet qesharak.
