Festivali i Këngës në Radio Televizionin Shqiptar nis edicionin e 62-të këtë vit dhe do të mbahet si gjithmonë, në muajin ‘magjik’ të dhjetorit. Deri tani kemi mësuar emrat e prezantuesve, Almeda Abazi dhe Xhani Shqerra.
Por sipas Kryefjala.com, në ‘tryezën’ e festivalit të rëndësishëm të këngës kemi edhe emrat e artistëve që do të konkurrojnë.
E para që përflitet është Vesa Luma që do të vijë me një bashkëpunim me bashkëshortin e saj, reperin Big Basta. Ndërsa disa të tjerë që përfliten se do të jenë pjesë e kompeticionit, janë Ardit Çuni, Vesa Smolica, Blerina Braka, Erma Mici dhe Luiz Ejlli. Fituesi i çmimit do të përfaqësojë Shqipërinë në Eurovision.
