Dje për herë të parë në një intervistë televizive Egli Tako theu heshtjen dhe tregoi për arsyet që solli në ndarjen e saj nga aktori i humorit Olsi Bylyku. Megjithatë duket se këngëtarja mban ende një kujtim me ish-in në Instagram-in e saj që na ka bërë paksa konfuzë dhe kemi shumë pikëpyetje.
Në një vëzhgim të bërë nga Iconstyle në faqen e saj zyrtare në Instagram, shihet se Egli ka fshirë çdo foto me Olsin pas ndarjes, por diku aty shfaqen videot e këngës së tyre ‘Pate’, ku protagonistë të videoklipit janë vetë ata. Poshtë videos, Egli shkruan:
‘1 milionë përqafime për secilin prej jush! Faleminderit Olsi që je i vetmi që ke besuar tek unë dhe ke qenë suporti im më i madh që nga dita e parë. Je shoku më i mirë, më i vërtetë i jetës sime! Të dua! Përulëse përpara zotit dhe publikut për gjithçka’, shkruan ajo.
View this post on Instagram
Pse nuk i ka fshirë Egli këto video me dedikime për ish-in e saj, mos vallë ka harruar apo shpreson për një rikthim?
Jemi paksa konfuzë, megjithatë duket se dyshja, (të paktën nga ana e Eglit), kanë vendosur të ruajnë marrëdhënien e tyre profesionale sa i takon muzikës.
Kujtojmë se pas më shumë se 2 vitesh lidhje, Egli dhe Olsi vendosën të vazhdojnë të ndarë rrugëtimin e tyre të jetës. Megjithatë ata duket se ndodhen vetëm 1 postim larg në rrjete sociale, pasi shpesh i kemi parë të bëjnë dedikime apo ‘thumba’ ndaj njëri-tjetrit.
