Fëmijët rriten më të zgjuar në qoftë se që në moshë të vogël kalojnë më shumë kohë me baballarët e tyre.
Këto janë rezultatet e një studimi të kryer nga një ekip studiuesish britanikë.
Siç është shpjeguar nga “The Telegraph” studiuesit kanë ekzaminuar 128 baballarë në Mbretërinë e Bashkuar, nga zona të ndryshme gjeografike dhe nga sfera të ndryshme të jetës, dhe i kanë regjistruar ndërsa kalonin kohë me fëmijët e tyre.
Në mënyrë të veçantë, ekspertët kanë vëzhguar sjelljen e disa baballarëve, si ndërvepronin, pa lodra, me fëmijët që tre muaj dhe pastaj pothuajse dy vjet më vonë, teksa lexonin libra.
Studiuesit në fund i nënshtruan fëmijët në një sërë testesh njohëse, duke përfshirë një provë të kuptimit të një libri dhe njohje të figurave dhe ngjyrave.
Rezultati i parë tregon se fëmijët të cilët kishin performancën më të mirë, pavarësisht nëse ishin mashkull apo femër, ishin ata që kishin kaluar më shumë kohë me babain e tyre, që në muajt e parë.
Por nuk mjafton të kalosh kohë me fëmijët, ajo që ka rëndësi mbi të gjitha është qëndrimi dhe gjendja e humorit e baballarëve. Fëmijët të cilët në tre muajt e parë të jetës kanë patur prindër të mbyllur apo depresivë, kanë marrë rezultatin më të ulët në testim.
