Luiz Ejlli duket se po vijon lojën e shtëpisë së Big Brother Vip edhe jashtë, pasi vazhdimisht mundohet të tërheqë vëmendjen e ndjekësve të tij me postime në rrjete sociale.
Ai ishte një nga personazhet më të dashur për publikun në ‘reality show-n’ e famshëm, por duket se i ka siguruar tashmë fansat e tij edhe pas përfundimit të spektaklit.
Së fundmi, ai ka publikuar një foto në Instagram nga një lokal ku po konsumon kafe. Lokali ka personalizuar biskotat me emrin e këngëtarit.
“Luiz Ejlli lind, nuk bëhesh”, shkruhet mbi biskotë.
Luizi duket se ka një hatërmbetje, pasi “i kanë vendosur datë skadence”, që nënkupton se mbase fama e tij do të zbehet.
Këngëtari së fundmi është angazhuar me xhirimet e filmit ‘Në kuadër të dashurisë’, për të cilën nuk kemi ende një datë publikimi. Megjithatë, Ejlli nuk nguron të ndajë me ndjekësit e tij pjesë nga prapaskenat me aktoren Olta Gixhari, të cilët thuhet se janë personazhet kryesore të filmit.
