Reperi Capital T vjen me surpriza, dhe jo, këtë herë nuk bëhet fjalë për një projekt të ri muzikor por për rolin e tij si aktor në një film me kast dhe produksion ndërkombëtar.
Gjatë muajve të verës, reperi solli në treg shumë pak projekte muzikore, megjithatë duket se e ka patur një arsye! Ai po përgatitej për xhirimet e filmit ‘Jericho Ridge’ që do të shfaqet për herë të parë në kinema nesër, si pjesë e Fetivalit Ndërkombëtar të Filmit në Prishtinë.
Lajmin emocionues e ka bërë me dije vetë reperi, i cili krah videos së premierës së filmit, zbulon emrat e aktorëve të tjerë si: Nikki Amuka Bird, Michael Socha, Jack Morris, duke u treguar i rezevruar për detajet.
Në postimin në Instagram, ai thotë se shpreson që debutimi i tij në ekranin e madh t’i pëlqejë publikut, teksa shpreh mirënjohjen e tij për ekipin prodhues, ku është edhe producenti shqiptar Besnik Krapi.
View this post on Instagram
Por nuk mbaron me kaq, reperi thotë se ky është filmi i parë që ai luan por jo i fundit. E veçanta e projektit thriller me skena aksioni dhe dramë, është se është xhiruar në malet e Kosovës.
