Sopranoja shqiptare Ermonela Jaho është nominuar për çmimin “Gramaphone Awards 2023” për regjistrimin e ‘Turnadot’ nga Warner Classics & Erato.
Në një një postim në Instagram, Jaho shkruan se i ka falur shumë lumturi sjellja në jetë e kryeveprës së fundit të Puccinit.
“Është një kënaqësi e madhe, të jem e nominuar për ‘Gramaphone Awards’ për këtë vit, për ‘Turnadot’ të regjistruar nga Warner Classics & Erato. Me fali një lumturi të madhe bashkëpunimi me kolegë kaq të talentuar dhe të përkushtuar, me të cilët ‘sollëm në jetë’, kryeveprën e fundit të Puccini-t. Të gjithë të nominuarit janë tashmë fitues në sytë e mi”, ka shkruar Jaho.
View this post on Instagram
Çmimet e Muzikës Klasike Gramophone, të lançuara prej vitit 1977, janë ndër vlerësimet më të rëndësishme që bëhen në industrinë e regjistrimeve të muzikës klasike.
