Në pikën më kulmore të karrierës së tij, 24 vjeçari i lindur në Zvicër, me babain nga Tetova dhe nënën nga Gostivari, refuzoi të përfaqësonte Zvicrën në Kampionatin Europian, por shprehu dëshirën të veshë fanellën e Shqipërisë.
Vendimi i tij mërziti tifozët dhe ekipin zviceran, ndërsa pas ankimimit FIFA e refuzoi kërkesën e FSHF që Bajrami të lejohej të luante me Shqipërinë. Mirëpo asgjë s’mund ta pengonte 24 vjeçarin!
FSHF vazhdoi ta ndjekë çështjen e tij në Gjykatën e Arbitrazhit Sportiv (KAS) në Lozanë dhe më në fund, në gusht 2021 ai u lejua të luajë për Shqipërinë, duke i dhuruar skuadrës golat e tij më të mirë.
Bëmë përpjekje të mëdha për ta bindur Nedimin që të vazhdonte të luante për Zvicrën. Megjithatë ai na e bëri të qartë se zemra i rrihte më fort për Shqipërinë. Identifikimi është një vlerë thelbësore kur bëhet fjalë për të luajtur për ekipin kombëtar të Zvicrës. Kjo është arsyeja pse ne nuk kishim zgjidhje tjetër veçse ta linim të ikte. – tha trajneri Mauro Lustrinelli.
Bajrami shënoi golin e parë me kuqezinjtë në fitoren ndaj Moldavisë (2-0) dhe ditën e djeshme në Pragë ekzekutoi atë që pas ndeshjes e quajti si më të bukurin e karrierës së tij deri tani.
Unë e kam zgjedhur Shqipërinë me zemër. Jam i lumtur që jam shqiptar, jam krenar! I gëzuar që mund të jem pjesë e Kombëtares- u shpreh Nedim Bajrami.
View this post on Instagram
