Jenna Ortega ka hedhur poshtë pretendimet se është në një romancë me Johnny Depp.
Këto thashetheme filluan të qarkullojnë kur një llogari instagrami, DeuxMoi, pretendoi se ata ishin parë së bashku, madje shtoi se do të sillnin edhe një produkt filmik.
Jenna, megjithatë, nuk humbi kohë për të sqaruar qëndrimin e saj për këtë çështje: “Kjo është aq qesharake sa nuk mund të qesh. Unë kurrë nuk e kam takuar apo punuar me Johnny Depp në jetën time. Ju lutemi ndaloni përhapjen e gënjeshtrave dhe na lini të qetë.”
Një deklaratë ka lëshuar edhe përfaqësuesi i Johnny-t, i cili i ka hedhur poshtë thashethemet si “të pabaza” dhe ka theksuar se mes dy aktorëve nuk ka pasur marrëdhënie personale apo profesionale.
