Aktorja dhe sipërmarrësja Lindsay Lohan jo shumë kohë më parë u bë nënë për herë të parë dhe sapo bëri postimin e saj të parë në Instagram për mëmësinë.
“Jam shumë krenare për atë që ky trup ka arritur gjatë shtatzënisë dhe tani në rikuperim. Të kesh një fëmijë është gëzimi më i madh në botë!”, ka theksuar Lohan , e cila nuk ka munguar t’i referohet popit filmit Mean Girls , në të cilin ka luajtur në vitin 2004, duke shkruar në tekstin e postimit të saj:
“ Sepse unë nuk jam një nënë e zakonshme. Unë jam nënë pas lindjes.’
Lohan pak para se të lindte djalin e saj, i cili u quajt Luai, fjalë që në arabisht do të thotë i fortë dhe i qëndrueshëm, tregoi dhomën përrallore të foshnjës , duke pozuar me barkun e saj të fryrë. Ajo u takua me bashkëshortin e saj biznesmen Bader Shammas në Dubai, ku u zhvendos disa vite më parë.
View this post on Instagram
Mesazhi që Lohan u dërgon grave me postimin e saj është i rëndësishëm, pasi tregon barkun e saj tamam siç është tani, pak pas lindjes, ende i fryrë dhe pa krijuar pritshmëri të rreme për nënat që duan të humbin peshën e shtatzënisë.
Ajo thotë se secila duhet të marrë kohën e tyre ndërsa trupi është në rikuperim.
