Rosalia dhe Rauw Alejandro janë dyshja e fundit që na shuan shpresat për të besuar në dashurinë e vërtetë me ndarje ne tyre disa ditë më më parë. Tradhtia nga ana e artistit u përfol se ishte arsyeja pse ata i dhanë fund marrëdhënies së tyre.
Në lidhje me këto aludime ka reaguar së fundmi vetë Alejandro, me anë të një postimi të gjatë në Instagram. Ai i mohoi kategorikisht këto pretendime.
“Gjatë gjithë këtyre viteve, ju keni qenë pjesë e arritjeve të mia profesionale, si dhe në të gjitha momentet e lumtura që kam jetuar me partneren time.
Nuk e kam menduar kurrë se do të isha në një pozicion ku do të më duhej të jepja një deklaratë publike për një çështje kaq private në jetën time. Po, para disa muajsh unë dhe Rosi i dhamë fund fejesës.
Ka mijëra probleme që mund të shkaktojnë një ndarje, por, në rastin tonë, nuk ishte për shkak të tradhtisë apo një personi të tretë. Gjatë kësaj kohe që po përpiqem të asimiloj gjithçka, ka pasur akuza të rreme publike dhe për shkak të respektit që kam për të, familjet tona dhe gjithçka që kemi jetuar, nuk mund të rrija në heshtje,”-u shpreh autoiri i hitit “Punto 40”.
