Enrique Iglesias është martuar dhe këtë e ka zbuluar vëllai i tij.
Julio Iglesias Jr., zbuloi padashje disa detaje mjaft ‘sekrete’ gjatë paraqitjes së tij në emisionin televiziv të Sonsoles Onega në Spanjë. Teksa diskutonte për gëzimin e nënës së tyre, Isabel Preysler për të qenë dëshmitare e dasmave të fëmijëve të saj, Onega theksoi se dasma e Enriques mungonte në listë.
Julio u shpreh se Enrique dhe Anna Kournikova mund të kenë thënë fshehurazi “Po”.
“Ajo që nuk bëri është një dasmë e madhe. Enrique ka qenë me Anën për 35 vjet dhe ata kanë tre fëmijë të mrekullueshëm”
Historia e dashurisë së Enrique Iglesias dhe Anna Kournikova filloi në vitin 2001 kur ata u takuan gjatë xhirimeve të videoklipit për këngën e tij hit “Escape”.
Sipas burimeve, çifti patën një kimi të menjëhershme në xhirimet e videos dhe ata filluan menjëherë një lidhje. Ai ishte 26 në atë kohë, ndërsa ajo ishte 20 dhe në kulmin e karrierës së saj në tenis. Me kalimin e viteve, çifti është përballur me ulje-ngritje, me Anën që një herë deklaroi para shtypit në vitin 2008 se nuk do të lidheshin kurrë. Megjithatë, duket se rrethanat mund të kenë ndryshuar që atëherë. Enrique dhe Anna kanë tre fëmijë. Në vitin 2017 ata mirëpritën binjakët Nicholas dhe Lucy. Dy vjet më vonë, familja e tyre u zgjerua edhe më shumë me ardhjen në jetë të fëmijës së tyre të tretë, një vajzë të quajtur Mary.
