Në fillim Bebe Rexha, pastaj Ava Max. Tani edhe Drake.
Nuk e dimë ç’i ka gjetur njerëzit që godasin artistët gjatë performancave të tyre, por diçka e tillë u bë sërish problem në koncertin e Drake.
Fansi i hodhi telefonin në skenë, por Drake nuk e ndërpreu koncertin për asnjë moment duke vazhduar të performojë në skenë këngën e tij “So Anxious”.
Më shumë se dashakeqësi, kjo duket si një mënyrë e fansave për t’i rënë në sy artistëve të tyre të preferuar. Kjo sepse jo rrallëherë, këngëtarët marrin telefonat e fansave dhe realizojnë video nga skena, gjë që mesa duket, për fansat do të thotë shumë.
