Drejtori i Top Albania Radios, Ledion Liço i cili njëkohësisht është edhe producenti i filmit “Në Kuadër të Dashurisë”, ishte i ftuar mbrëmjen e sotme në “Ndryshe”, aty ku tregoi disa detaje rreth filmit të shumëpritur.
Ai pranoi se Luizi dhe Olta do jenë dy personazhet që do shesin filmit, si dhe i etiketoi si “grepi” që do sjellin njerëzit në kinema.
Pyetjet-përgjigjet
Pyetja- Ku do të shkojë Top Channel me risinë e departamentit të ri të filmit?
Ledion Lico- Qëllimi është që të shkojë gjatë. Është një strukturë që është ngritur me premisat e diçkaje të qëndrueshme, por që do të varet shumë nga suksesi i filmit tonë të parë. Unë mendoj që është kasti më i mirë i mbledhur ndonjëherë për një film në Shqipëri të atij zhaneri.”
Pyetja-A janë Luizi me Oltën ata që do e shesin filmin?
Ledion Liço- Mendoj që Luizi me Oltën do ta shesin filmin, kjo është e pakundërshtueshme. Ato janë grepi për të sjellë njerëzit në kinema, por unë jam i bindur që njerëzit do dalin nga kinemaja jo vetëm me Luizin dhe Oltën.
Pyetja- Skenari a të ka pëlqyer?
Ledion Lico- Skenarin unë e kam parë në disa faza dhe e kemi ndryshuar me Kolon. Skenarin unë e kam lexuar një vit e gjysmë më herët. Më ka pëlqyer për faktin që më ka bërë për të qeshur me lexim të parë dhe kam qeshur mbi 3 herë.
Pyetja- A ke siguri tek Koloreto Cukali si regjisor i ri?
Ledion Lico- Jo, nuk kam siguri te Kolo si regjisor, nuk kam siguri te vetja si producent, nuk kam siguri tek Rezart Gurashi si drejtor fotografie sepse ne nuk kemi bërë ndonjëherë film, kjo është hera jonë e parë.
Pyetja-Tek cilët njerëz ke besim?
Ledion Lico- Kam besim tek ty që ke bërë filma dhe je aktor (Salsano), kam besim tek Olta Gixhari. Nuk kam besim tek Luizi… Kam shumë pritshmëri dhe jam i bindur që Luizi do bëjë mirë, sikundër kam pritshmëri nga Sara Hoxha, por nuk jam i sigurt te Sara Hoxha… Në kështu rastesh ti priresh të kesh besimin tek njerëzit që kanë eksperiencën, por varet se si e gjithë gjëja është vënë në funksion tëndin. Mendoj se Kolo ka bërë një punë shumë të mirë që të mund t’i japi secilit atë që i takon pa u munduar ta bëjë si diçka që nuk është.
Pyetja- A ka një rrugëtim filmi sipas producentëve që të ketë kinema, televizor dhe festival?
Ledion Lico- Filmi komedi është i pakonsiderueshëm për festivalet. Mund të jenë si shfaqje jashtë konkurrimit nëpër festivale, por kjo për ne është diçka që nuk përbën interes. Ajo që ne duam të bëjmë është që filmi të jetë në sa më shumë salla kinemaje në të gjithë botën ku ka më shumë shqiptarë. Po punojmë që të jemi në shumë salla në Amerikë, në Britaninë e Madhe, në Zvicër dhe në Itali.
Pyetja- Kur del në kinema?
Ledion Lico-Në tetor 100 %.
