Sportisja e njohur Luiza Gega ka folur ditën e sotme për shkëputjen e marrëdhënies së punës me ish-trajnerin e saj Taulant Stërmasin, me të cilin u përfol për një lidhje.
Gjatë “Pushime on top”, ajo tha se ka shumë respekt për të, mirëpo shtoi se tani Stërmasi është në vendin që duhet për të ndihmuar Federatën.
“Ai është trajneri im. Është një titull i merituar që ai e ka fituar. Kur i flas në emër më duket si pak mungesë respekti. Arsyeja se përse jemi kaq të suksesshëm është se kemi objektiv të përbashkët.
Ai nuk është më trajneri im. Federata arriti në atë pikë që kishte disa probleme, në ato momente besoja se ai mund të ishte i vetmi që mund ta nxirrte aty ku ishte”.
Kujtojmë se lidhja mes trajnerit dhe Gegës u përfol goxha muajt e kaluar. Ishte deklarata e Klodiana Shalës ajo që çuditi opinionin publik, teksa zbuloi se partneri i saj ishte në krah të Luiza Gegës.
Deklarata e fortë bëri menjëherë xhiron e rrjeteve sociale e kjo nuk u prit mirë as vetë Luiza.
“Nuk asgjë për të thënë, sinqerisht jam kaq shumë në fokus te punët e mia. Nuk është se çuditem nga asgjë që thotë Klodi, pasi gjithmonë do gjejë diçka viktimizuese për të pasur pak vëmendje. Mund të them vetëm kaq: Kurrë po kurrë, jo vetëm Klodit, por askujt jo t’i kem bërë keq, por as s’e kam çuar nëpër mendje. S’kam pasur kurrë konflikt, me Klodin jo e jo, por me asnjë. Ajo që më bën përshtypje është që Klodi flet akoma për një histori të mbyllur më shumë se para 10 vitesh dhe për mbajtje me bukë që u ka bërë njerëzve, nuk është aspak e vërtetë. Por dhe sikur të jetë, më duket shumë gjë e ulët ta përmendësh. Gjithsesi, nga Klodi dëgjoj kaq shumë gjëra dhe asgjë s’të bën më përshtypje asgjë”, -tha në atë kohë Luiza.
