Pallatet e vendosura në kopshtet mahnitëse janë shtëpi për manjatët e moshuar, diplomatët e huaj dhe anëtarët e aristokracisë.
Kështu që fqinjët në rrugën “North London” nuk do ta merrnin me mend se kush është i ftuari i radhës.
Këngëtari kanadez, Justin Bieber ka marrë me qira një rezidencë me 15 tualete për 108,333 paundë në muaj ose pothuajse 1.3 milionë paundë në vit.
Këngëtari 22-vjeçar planifikon ta ndajë kohën e tij mes shtëpisë në Los Angeles dhe asaj në Londër muajt e fundit. Mendohet se ai ka rënë në dashuri me këtë zonë.
Një specialist i pronave tha: “Kjo është një nga shtëpitë më luksoze të kryeqytetit dhe ofron lehtësira, përfshirë një pishinë të mbyllur dhe të hapur, një SPA, fushë tenisi, kinema dhe qilar vere. Rrugët si kjo vazhdojnë të tërheqin më të pasurit dhe të famshmit dhe kjo është vetëm një nga zonat e Londrës, që ofron rezidenca të mëdha me kopshte akoma më të mëdha. Shtëpia ofron gjithashtu edhe privatësi, diçka esenciale për dikë si ylli i pop-it, Justin”.
Shtëpia e marrë me qira nga Bieber është ndërtuar në 1910-n. Në vitin 2006 ajo ishte nën rrënoja, për këtë u ble për 5 milionë paundë nga një manjat i pronave, që shpenzoi miliona për ta rinovuar.
Shtëpia 2.229 metër katrorë, doli në shitje gjashtë vite më vonë për 100 milionë paundë. Por ajo u shit për 25 milionë paundë.
Burimi: Daily Mail
