Të gjithë e dimë sa e vështirë dhe ç’përgjegjësi e madhe është t’i vendosësh emrin një fëmije, pasi ai emër do ta shoqërojë gjatë gjithë jetës së tij.
Disa prindër presin derisa të shohin portretin e fëmijës, për t’ia përshtatur emrin më së miri, ndërsa të tjerë e ndajnë mendjen e tyre që para se të lindë, siç kanë bërë Kourtney dhe Travis.
Tashmë që kanë zbuluar gjininë e bebushit (presin një djalë), ata ndihen më të lirshëm të postojnë e komentojnë në rrjete sociale për shtatzëninë. Madje, ishte Travis Barker ai që tha në një koment në foton e Kourtney-t se e dinte që tani emrin e djalit. Pra, çifti e paska vendosur!
Aludimet tona na çojnë në mendimet që djalit mund t’ia vendosin emrin Kravis, pasi kështu është nofka që fansat i kanë vendosur çiftit, nga bashkimi i emrave të tyre. Megjithatë, asgjë nuk dihet ende me siguri, ndaj emri mbetet për t’u parë!
