Një ngjarje e rëndë ka ndodhur gjatë natës në Pejë, për shkak të përmbytjeve. Policia e Kosovës ka njoftuar se është shënuar viktima e dytë si pasojë e vërshimeve dhe bëhet fjalë për një të mitur dhe nënën e tij. Përmes një komunikimi për media, Policia njofton se pas kërkimeve është gjetur pa shenja jete edhe nëna e fëmijës 5-vjeçar që humbi jetën në lagjen ‘Asllan Qeshme’.
“Drejtoria Rajonale e Policisë Pejё, njofton se me datё24.06.2023 si pasojё e vërshimeve nё qytetin e Pejёs, nё lagjen “Asllan qeshme” njё fёmijё ka humbur jetën ndërsa nëna e tij ёshtё e zhdukur. Pas kërkimeve nga njësitet Policore rreth orё 01:20, tё datës 25.06.2023, ёshtё gjetur personi i zhdukur femër , vdekjen e viktimës e ka konstatuar ekipi mjekësor”, thuhet në komunikatë.
Drejtori mjekësor në Spitalin e Pejës, Besnik Ibraj, ka konfirmuar për mediat se fëmija që u gjet i vdekur është i moshës rreth 5-vjeçare.
“Konfirmojmë se një fëmijë rreth moshës 5-vjecare ka vdekur. Dy të lënduar janë në intensivë”, ka thënë ai.
