Këngëtarja Elvana Gjata ka treguar momentet e vështira të karrierës së saj, kur ka menduar të heqë dorë.
Në podcast-in, ku kryeministri Edi Rama qëndron si moderator përballë të ftuara, Elvana rrëfeu për çastet kur është ndjerë e lodhur dhe e mërzitur.
“Kjo është shumë interesante sepse gjithmonë kam dashur ta prek këtë pjesë. Ka pasur momente që jam ndjerë kaq e lodhur dhe e mërzitur dhe e rënë, nuk gjeja më forcën, por është e çuditshme që pikërisht në atë moment i kam thënë vetes: në asnjë mënyrë. Çohu në këmbë dhe do vazhdosh përpara. Dhe kjo që them është shumë e sinqertë”- tha ajo.
Elvana tregoi për gjërat që e mërzisin në Shqipëri, aq sa mendon edhe largimin nga vendi dhe shkaku kryesor janë paragjykimet që ndjen në shoqëri.
“Kur jam këtu, ka gjëra që mërzitem, them do iki. Gjërat që më mërzisin kanë të bëjmë me mentalitetin mendoj, me vrasin shumë gjëra ende, që anë të bëjnë në lidhje me pozicionin e femrës në Shqipëri. Këto gjëra më mërzisin”- tha ajo.
