Një 23-vjeçar nga Mallakastra është arrestuar pasi dyshohet se ka lënë shtatzënë një minorene 12 vjeç nga Përmeti.
Ngjarja ka ndodhur disa muaj më parë, kur djali me inicialet B.L kishte pasur marrëdhënie intime me të miturën. Kontakti seksual ka shfaqur tek vajza shqetësime në trup.
Ajo ka lajmëruar të atin që e kishte në emigracion në Greqi pasi vetë jeton me gjyshen. Ai ka çuar të bijën 12-vjeçare për kontroll ne spitalin e Përmetit dhe ka mësuar se minorenia ka qenë shtatzënë në muajin e dytë.
Vajza ka treguar emrin e personit me të cilin kishte pasur raporte intime, ndërsa Policia e Përmetit ka bërë arrestimin e tij. Deri më tani Policia e Përmetit e ka mbajtur të fshehtë këtë ngjarje për shkak të përfshirjes së minorenes.
Nuk dihet nëse raporti intim ka qenë në kushtet e përdhunimit apo të dëshirës së vetë minorenes. 23-vjeçari dyshohet se është gjithashtu autor i disa grabitjeve të ndodhura në qytet kohët e fundit.
