Këto janë orët kritike të kërkimeve për nëndetësen e zhdukur në thellësinë e rrënojave të Titanikut, ndërsa e gjithë bota është në ankth për atë që do të ndodhë.
Detaje të reja janë zbuluar nga jeta e secilit prej pesë turistëve në bordin e nëndetëses, ndërsa “DailyMail” raporton se bashkëshortja e shefit ekzekutiv të nëndetëses ka lidhje me viktimat e katastrofës së anijes së Titanikut në 1912.
Stërgjyshërit e Wendy Rush, Isidor dhe Ida Straus humbën jetën si pasojë e mbytjes së Titanikut, pikërisht anijes që bashkëshorti i saj Stockton Rush zgjodhi të vizitojë dhe ka humbur kontaktet bashkë me ekipin, që prej të dielës.
Wendy Rush, e lindur Wendy Hollings Weil, u martua me inxhinierin dhe sipërmarrësin Stockton Rush në 1986. Rush ka vizituar rrënojat e Titanikut tre herë me kompaninë e burrit të saj në dy vitet e fundit dhe punon si drejtore e komunikimit në OceanGate.
Stockton Rush, 61 vjeç, themeloi OceanGate në 2009. Inxhinieri aeronautik i lindur në Seattle, i shkolluar në Princeton, punoi në avionë luftarakë dhe fillimisht shpresonte të shkonte në Mars përpara se të kalonte vëmendjen tek deti.
