Kourtney Kardashian-it dhe Travis Barker-it iu plotësua dëshira dhe së shpejti do të marrin në krahë fëmijën e tyre të parë së bashku.
Vetëm disa ditë më parë Kourtney bëri publik lajmin se është në pritje të fëmijës së saj të katërt, në një mënyrë shumë të veçantë. Me një pankartë në dorë në koncertin e Travis.
Mirëpo çfarë ngjall kureshtje në gjithë këtë është si ka reaguar Scott Disick pasi mori vesh lajmin.
Sipas një burimi për ET: “Scott po e mbështet çiftin dhe në të njëjtën kohë, po përpiqet që të kujdeset sa më shumë për veten. Kjo është paksa e vështirë për të, pasi ai gjithnjë do ta dojë Kourtney, por është i lumtur dhe i emocionuar për të. Ai do të vijojë të ecë përpara dhe të përqendrohet në jetën e tij”.
Kujtojmë që Scott ka qenë i lidhur për 1 dekadë me yllin e “The Kardashians” dhe kanë 3 fëmijë së bashku.
