Divorci në shumë kultura shihet si gjest i turpshëm, por në Mauritani (një vend sovran në Afrikën Veriperëndimore) shihet si arsye për të festuar dhe përhapur fjalën që gruaja është edhe një herë e gatshme për martesë.
Për shekuj, gratë janë mbledhur së bashku për të ngrënë, kënduar dhe kërcyer në ditën e divorcit të njëra-tjetrës. Tani, zakoni po përditësohet për gjeneratën e selfie-ve, me ëmbëlsira me mbishkrime dhe montazhe në rrjetet sociale.
Në këtë vend pothuajse 100% mysliman, shumë burra dhe gra kanë kaluar nga 10 deri në 20 martesa. Disa studiues thonë se vendi ka shkallën më të lartë të divorcit në botë. Pjesa më e madhe e marrëveshjeve të divorcit në këtë vend janë shpesh verbale, jo të dokumentuara.
Festat e divorcit ishin një mënyrë për komunitetet nomade të vendit për të përhapur fjalën për statusin e një gruaje. Krahasuar me vendet e tjera myslimane, gratë në Mauritani janë mjaft të lira dhe madje mund të ndjekin atë që ajo e quajti një “karriere bashkëshortore”.
