Brad Pitt “shpërtheu” në lot, kur pa fëmijët e tij për herë të parë pas pothuaj tre javësh që kur Angelina Jolie njoftoi se po divorcohej prej tij.
Pitt mbikëqyrej nga një terapist, kur takoi dy nga gjashtë fëmijët e tij në një takim me Jolie, e cila zgjati vetëm 1 orë. Aktori luajti me fëmijët gjatë takimit tepër të trishtueshëm, ku mësohet se edhe ata qanë.
Mbikëqyrja e Pitt lidhet me hetimin e aktorit 52-vjeçar për akuzat e konsumimit të alkoolit dhe të dhunimit të djalit 15-vjeçar Maddox.
Sipas burimeve, takimi ka ndodhur më 8 tetor dhe në shtëpi ka qenë edhe Jolie, e cila nuk i ka folur asnjë fjalë ish-bashkëshortit. “In Touch Weekly” shkruan se kur vajzat e tij Vivienne dhe Zahara hynë në dhomë, ai e humbi tërësisht kontrollin e emocioneve.
“Sytë e tij ishin të përlotur, por ai u mundua të mblidhte veten, sepse nuk donte që ato të mërziteshin kur ta shihnin duke qarë. Vizita ishte tepër e dhimbshme. Vivienne dhe Zahara filluan të dyja të qanin”, tha një burim pranë çiftit. Në përpjekje për të fituar kujdestarinë e përbashkët të fëmijëve, Pitt ka pranuar t’i nënshtrohet çdo lloj testimi për drogë apo alkool.
Burimi: Daily Mail
