Nga sezoni i ardhshëm televiziv spektaklin e humorit “Klanifornia” nuk do e shohim më në TV Klan.
Burime ekskluzive për “Vip Magazine” bëjnë me dije se programi i humorit, ka mbyllur kontratën me televizionin kombëtar “Klan”.
Nuk dihet nëse trupa e humorit do të zhbëhet apo do të zhvendoset në sezonin e ardhshëm në një tjetër ekran televiziv.
Deri më tani, ndër aktorët e spektaklit që ka njoftuar largimin nga ky televizion është Jul Deda, i cili më herët postoi edhe foton e fundit në ambientet e tij.
Ndjekësit kanë aluduar për një rikthim të mundshëm të tij në Portokalli, por aktori i ka hedhur poshtë këto zëra.
Interesante të dihet është edhe ç’do të bëhet me Marina Vjollcën, moderatoren e programit e cila disa ditë më parë në një bisedë me ndjekësit tha se ka projekte të reja po pa zbuluar gjë akoma.
