Ai është vetëm 23 vjeç, por ka shumë gjëra për të na thënë. Zayn Malik i habiti të gjithë me lajmin për publikimin e librit të tij më 1 nëntor. Ai vendosi që të zbulonte diçka të rëndësishme disa ditë para se biografia e tij të dalë në treg.
Ish-ylli i “One Direction” ka publikuar paragrafin e parë të librit të tij autobiografik. Në të ai shkruan se si “Pillowtalk” ishte një pikë kthese për karrierën e tij dhe se më në fund mund të këndonte rreth seksit.
“Çdo tekst që kam shkruar, ka një histori pas tij. E gjithë puna madhe e bërë për “Pillowtalk” ishte e vlefshme, sepse që në momentin kur e përfundova, ndjeva që isha në rrugën e duhur. Ishte pikërisht ajo çfarë doja të arrija me muzikën time. Gjithashtu isha i aftë të këndoja për një temë, për të cilën nuk këndoja dot kur isha në “One Direction”, për seksin”, shkruan Zayn.
23-vjeçari duket se kaq pasur dëshirë të shkruante këngë për seksin, por imazhi i “One Direction” ishte krejt ndryshe nga ajo tematikë. Ndoshta kjo është një nga arsyet e debatit mes grupit.
Burimi: Daily Mail
