Kim Kardashian duket se ka gjetur dashurinë. Kështu raportohet në mediat e huaja dhe ‘fatlumi’ thuhet se është Tom Brady.
Dyshja thuhet se kanë krijuar një miqësi pasi ylli televiziv ka filluar të kërkojë të blejë një shtëpi pushimi pranë banesës së tij në Bahamas. Kim madje i kishte kërkuar Tomit këshilla përpara se të bënte udhëtimin për të parë një pronë në Baker’s Bay Golf & Ocean Club, një komunitet ekskluziv rezidencial vetëm për anëtarë në Bahamas.
42-vjeçarja u pa duke vizituar resortin pasi fluturoi për në ishull, shkruan Mirror.
Burimet i kanë thënë PageSix se Kim “i pëlqen shumë” profesionisti i pensionuar i NFL, por deklaruan se aktualisht nuk ka “asnjë romancë” mes të dyve, por ata nuk e mohuan një mundësi për romancë mes tyre.
“Kim e pëlqen shumë Tomin. Ajo e telefonoi dhe e pyeti për këshillën e tij për Baker’s Bay, ai ishte i mrekullueshëm”, thanë burimet.
Komuniteti ka shtëpi në pronësi të yjeve të Hollywoodit si Jennifer Lopez, Alex Rodriguez, Michael Jordan, Justin Timberlake dhe Reese Witherspoon.
