Jemi në ethet e “Eurovizion 2023”. Ky spektakël përbëhet nga tri mbrëmje; dy gjysmëfinalet 9 dhe 11 maj dhe në fund nata finale më 13 maj. Mes 37 konkurrentësh, Shqipëria do të përfaqësohet nga këngëtarja Albina Kelmendi dhe familja e saj me këngën “Duje” në gjysmëfinalen e dytë të “Eurovision”.
Në një kohë kur duhet të kryenin provat e performancës së tyre, familja Kelmendi nuk ka mundur të udhëtojë drejt Britanisë.
Shkak është bërë mungesa pajisjes me pasaportë shqiptare, edhe pse po përfaqësojnë vendin tonë në Eurovizion. Kjo ka bërë që të humbasë disa koncerte.
“Nuk i kemi arrit në disa shtete, ka qenë problem çështja e vizave. Nuk e kemi parashikuar, ne nuk jemi pajisur me pasaporta shqiptare, na është dashur për secilin shtet që të aplikonim për vizat”, tha Albina Kelmendi në “Prive”.
