Pas masakrës së shënuar në një shkollë në Serbi më tre maj, ku një 14-vjeçar vrau 8 nxënës dhe rojen e shkollës ku studionte, janë marrë masa të menjëhershme.
Bëhet me dije se nga sot në çdo shkollë në Serbi deri në përfundimin e orëve të mësimit do të jenë të pranishëm policët, duke vepruar si masë parandaluese për ngjarje të tjera kriminale.
“Përveç policëve shkollorë, u angazhuan edhe oficerë policie të juridiksionit të përgjithshëm, administrata e policisë rrugore dhe policia kriminale.
Theks i veçantë iu kushtua ardhjes dhe largimit të nxënësve dhe gjatë pushimeve,” tha Indira Hamzabegoviç, një oficere e policisë.
Kujtojmë që autori i veprës makabër është adoleshenti i identifikuar si Kosta.K, vendimi për të cilin nuk është bërë me dije akoma.
