Kjo verë qenka e dasmave VIP! Elgit Doda dhe Klea Huta do t’i thojnë edhe një herë “Po” njëri-tjetrit këtë herë në një dasmë të madhe.
Në ditëlindjen e tretë të Krid, djalit të tyre më 4 qershor Klea dhe Elgiti do të kurorëzojnë sërish dashurinë e tyre këtë herë para miqve dhe familjarëve.
Kështu thotë njoftimi zyrtar për dasmën e tyre, të cilin e ka postuar gazetari Ervin Kurti në Instagram, ndërsa ka formën e një faqeje gazete dhe bashkangjitur një foto të tyren, ku shfaqet edhe data e ceremonisë dhe vendi, në jugun e Shqipërisë.
“Në ditëlindjen e tretë të Krid, mami Klea dhe babi Elgit vendosën t’i bëjnë dhuratë dasmën që nuk u bë kur duhej,”-shkruhet në njoftim.
Kujtojmë që artistët i dhanë fund beqarisë disa vite më parë, kur Klea ishe në pritje të ëmbël, ku na servirën një set fotografik në Marok të veshur si nuse dhe dhëndërr, megjithatë nuk e festuan kurrë kurorëzimin e tyre, me familjarët e miqtë dhe mesa duket koha ka ardhur pikërisht tani.
Gjithashtu vitin e shkuar, në datëlindjen e Krid, Elgiti i propozoi sërish për martesë Kleas.
