Victoria Beckham ka festuar mbrëmjen e djeshme 49-vjetorin e lindjes. Stilistja e njohur këtë ditëlindje e ka kaluar e shoqëruar nga familja e saj. Në darkën e ditëlindjes nuk mungoi as djali i saj Brooklyn dhe nusja Nicola, me të cilën është përfolur se nuk ka një raport të afërt.
Por, mesa duket gjithçka mes nuses dhe vjehrrës tashmë i përket të shkuarës dhe ato kanë vendosur ta çojnë përpara marrëdhënien e tyre.
Victoria ka ndarë në Instagramin e saj disa foto nga mbrëmja e djeshme ku ndër to nuk mungon edhe Nicola. “Puthje për Nicola-n dhe Brooklyn,”-shkruan në një imazh ish-anëtarja e “Spice Girls”.
“Ju dua”, shkruan në një tjetër postim Victoria duke i bërë “tag”, nuses, djalit dhe vajzës së saj të vogël, Harper.
Postimet nuk kanë munguar as nga ana tjetër. Nicola Peltz ka ripostuar në Instagramin e saj “story-n” e Victoria-s duke shkruar: “Gëzuar ditëlindjen. Të dua!”
Kujtojmë se Nicola Peltz dhe vjehrra e saj disa kohë më parë nuk kishin marrëdhënie të mira me njëra-tjetrën. Ato u vunë përballë për shkak të planifikimit të dasmës. Nusja fillimisht kishte për qëllim të vishte një fustan të Victoria-s, por përfundoi me një fustan Valentino, një ndryshim që ndodhi sepse atelieja e Victoria-s “nuk mund ta bënte”, siç shpjegoi më vonë. Tani hatërmbetjet i përkasin të shkuarës.
