Festivali më i famshëm në mbarë botën Coachella, ka nisur edhe këtë vit teksa po mbahet në Indio, Kaliforni.
Festivali zhvillohet nga 14-16 prill dhe 21-23 prill në Empire Polo Club dhe pasi pjesa e parë përfundoi, duket se gjërat s’kanë shkuar “vaj” kësaj here.
Pas “dështimit” të disa këngëtarëve si Frank Ocean, fansat ishin të mërzitur edhe me orën policore të vendosur për festivalin, që s’i ka lënë ta shijojnë atmosferën deri në fund.
Madje, thyerja e orarit policor po i kushton festivalit këtë vit një gjobë të majme!
Organizata u gjobit me 107,000 euro, pasi turmat e njerëzve vazhduan të qëndronin duke festuar edhe pas orës 23:00, siç organizatorët kishin rënë dakord. Në të treja ditët, festivali u mbajt rreth 20 minuta më gjatë.
Megjithatë, duket se s’ka asgjë që e ndal! Biletat janë paguar dhe festa do të vazhdojë sërish këtë fundjavë!
