Aktori i njohur Jamie Foxx ka rinisur xhirimet “Back in Action” me Cameron Diaz, pasi ka dalë nga spitali. Një burim i tha PEOPLE se seti i “Back in Action” u “mbyll” të mërkurën pas frikës shëndetësore të aktorit por tashmë çdo gjë është rikthyer në normalitet.
Drejtori i kastit informoi se vetëm një skenë për të filmuar është anuluar për shkak të “ndryshimeve në prodhim”. Ajo skenë nuk do të riplanifikohet për shkak të ndryshimeve, por skenat e planifikuara për t’u filmuar të hënën dhe të martën pritet të vijojnë siç ishte planifikuar.
Vajza e Jamie, Corinne, tregoi në Instagram se aktori po shërohet pasi u përball me një “komplikacion mjekësor”.
“Ne donim të tregonim se babai im, Jamie Foxx, përjetoi një komplikacion mjekësor dje”, shkroi Corinne. “Fatmirësisht, për shkak të veprimeve të shpejta dhe kujdesit të madh, ai tashmë është në rrugën e tij drejt shërimit. Ne e dimë se sa i dashur është ai dhe vlerësojmë lutjet tuaja. Familja kërkon privatësi gjatë kësaj kohe.”
