Një ditë më parë u raportua se stilisti i njohur Valdrin Sahiti ishte arrestuar në Stamboll me akuzat për posedim të lëndëve narkotike. Edhe pse avokati e tij e përgënjeshtroi lajmin se ishte e vërtetë, sërish sot, avokati Besnik Berisha ka hedhur poshtë aludimet se Sahiti ndodhet në paraburgim në Turqi. Berisha tha se lajmet për paraburgim janë të rreme.
“FAKE NEWS! Me shumë respekt për punën e secilit medium dhe koleg gazetar, lajmet e mëposhtme jemi të detyruar t’i denoncojmë si FAKE News sepse të tilla janë!Mos u besoni!”
Berisha tregoi për mediat se ka kontaktuar me Valdrinin dhe se stilisti nuk ndodhet i arrestuar në shtetin turk, por në Dubai të Emirateve të Bashkuara Arabe.
“Nuk janë të vërteta lajmet që kanë qarkulluar për Valdrinin sot. Ndaj tij nuk është inicuar asnjë precedent penal dhe nuk është ndaluar nga autoritetet turke. Ai ndodhet në Dubai, ku po vazhdon aktivitetet e tij biznesore”, tha Berisha.
