Bad Gal RiRi e dha super lajmin e bukur se po bëhet nënë për herë të dytë në shfaqjen e “Super Bowl Half Time”.
E veshur e gjitha me të kuqe, ajo nxorri në pah barkun e rrumbullakosur të cilin e përkëdhelte herë pas here.
Përveç karrierës, duket se ajo dhe Asap Rocky i janë përkushtuar gjithashtu familjes, ndaj do ta bëjnë të voglin e tyre me motër ose vëlla. Riri tregohet tepër hermetike për jetën private dhe vendosi të postonte foto të të birit, vetëm kur paparacëve u ra në dorë portreti i të voglit dhe dëshironin të bënin biznes me fytyrën e tij.
Ajo ende s’e ka treguar emrin e djalit dhe duket se s’ka ndërmend të tregojë as gjininë e fëmijës tjetër, mirëpo njerëzit janë të bindur që e kanë zbuluar!
Kjo sepse kanë parë RiRi-n duke bërë shopping për veshje vajzash, ndaj besojnë se kësaj here do të sjellë në jetë një vajzë.
Megjithatë, asgjë nuk është ende e sigurt!
