Më tepër se një dekadë pas vdekjes së Steve Jobs, publiku do të mund të aksesojë disa momente nga punët e brendshme të themeluesit të Apple.
The Steve Jobs Archive do të publikojë të martën “Make Something Wonderful: Steve Jobs In His Own Words”, një koleksion dixhital ku gjenden fjalimet, intervistat dhe biseda të ndryshme të tij.
Jobs ndërroi jetë në vitin 2012 nga kanceri i pankreasit, në moshën 56 vjeçare.
Idea e krijimit të këtij libri është që të “inspirojë lexuesit që të krijojnë gjërat e tyre të mrekullueshme që do ta çojnë botën para”.
“Në faqjet e këtij libri, Steve shpërndan nga pikëpamja e tij fëmijërinë, lançimin e Apple, kohën që kaloi në Pixcar dhe NeXT si dhe rikthehet përfundimisht për të folur për kompaninë që nisi gjithçka.” lexohet në publikimin e bërë nga The Steve Jobs Archive.
Sipas Washington Post, në këtë libër do të gjenden dhe imazhe që s’i kemi parë kurrë dhe një përshkrim nga gruaja e tij, Laurene Powell Jobs.
Sipas Laurene, ideja ishte që lexuesit të mësonin më tepër rreth Steve Jobs nga vetë ai:
“Ai është përshkruar nga shumë persona të ndryshëm, mirëpo në këtë libër ju do të mësoni më tepër rreth Steve Jobs nga fjalët dhe puna e tij, pra nuk ka një ndërmjetës.”
