E thonë të gjithë; si ta kesh zemrën, ashtu do të të kthehen gjërat në jetë. E duket se Brad Pitt, ka një zemër të madhe, ndaj s’vuan kurrë për pasuri.
Ai e ka lejuar një të moshuar të jetojë në shtëpinë e tij në Los Angeles pa qira, pasi bashkëshortja e të moshuarit u nda nga jeta.
Sipas aktores Cassandra Peterson, nga e cila Brad Pitt bleu pronën prej 1,9 hektarësh në Los Feliz, Kaliforni, në vitin 1994, ai e lejoi burrin të banonte pa qira deri në vdekjen e tij në moshën 105-vjeçare.
“Ai ishte shumë, shumë i sjellshëm me burrin,” tha Peterson në një intervistë me ‘People’.
“Gruaja e këtij burri ndërroi jetë dhe burri jetonte atje.Brad e lejoi të jetonte atje pa paguar asgjë derisa vdiq”.
Pas divorcit, Brad Pitt dhe Angelina Jolie mezi e kanë gjetur gjuhën e përbashkët. Madje, ata janë endur gjyqeve për fëmijët apo pronat, për të cilat secili kërkon të përfitojë më shumë sesa tjetri.
