Kourtney Kardashian festoi një ditë më parë njëvjetorin e dasmës së saj me Travis Barker në Las Vegas duke shpërndarë një postim të ëmbël në Instagram.
Kourtney zbuloi se atë natë kishte humbur xhaketën e lëkurës që kishte veshur ndërsa po kurorëzonte dashurinë.
Çifti u martua nga një imitues i Elvis Presley në një ceremoni jo legale pas “Grammy 2022”.
“Ishte një nga netët më të mira të jetës sonë, duke ëndërruar për një jetë të mbushur me aventura argëtuese së bashku”, kujtoi Kardashian në mbishkrimin e saj.
“Përfundova duke e humbur këtë xhaketë atë natë, të cilën e kisha për dhjetë vjet dhe ka një shpërblim nëse dikush e gjen”,-shtoi ajo.
View this post on Instagram
Por, se për çfarë shpërblimi bëhet fjalë, Kardashian e la surprizë, ndonëse ndjekësit e pyetën.
Kujtojmë që pas ceremonisë së tyre në prill 2022, dyshja u martuan ligjërisht në një gjykatë në Santa Barbara muajin e ardhshëm.
Vetëm disa javë më vonë, Kardashian dhe Barker organizuan festën e tyre të tretë të dasmës në Portofino, Itali, me të gjithë “ekuipazhin” Kardashian-Jenner të veshur nga “Dolce & Gabbana” për këtë rast.
