Tentativa për shef kuzhine e Brooklyn Beckham dështoi edhe një herë me sukses.
Djali i madh i Victoria dhe David Beckham, i cili e ka pasion gatimin, ka ndarë së fundmi me ndjekësit një video duke gatuar spaghetti bolognese ndërsa varur në qafë mbante edhe qenushin e tij.
Në të njëjtën kohë, ndjekësit kanë vënë re edhe një tapë vere në tenxheren që ai po gatuante dhe kaq mjaftoi që rrjeti të ndizej në komente.
“Ka një tapë në tenxhere dhe qime qeni gati për t’u shtuar në përzierje!”
Një tjetër shkroi: “Kjo nuk është e lezetshme, edhe pse qeni yt është. Nuk duhet ta mbash qenin me vete kur gatuan. Gatimi mund të spërkasë në fytyrën e tij dhe ta lëndojë.”
Mesa duket ajo që e “preku” më shumë Brooklyn nga këto koment ishte kritika për tapën e verës në tenxhere, për të cilën nuk e kurseu sigurisht një ironi.
“Pas hulumtimit gjetëm informacion se tapa e verës në lëngun e gatimit siguron një pjatë më të bukur”.
Kujtojmë që më herët teksa është pyetur nëse e konsideron veten shef kuzhine, djali i David Beckham është shprehur që gatimi është thjesht një pasion i tij.
