Reperi i njohur Tekashi 6ix9ine u nxor nga një stadium bejsbolli në Miami pasi piu shumë pije alkoolike dhe shkaktoi zhurmë.
“Ai ishte shumë i dehur dhe ndërpreu eksperiencën e të ftuarve të tjerë”, tha një burim për ‘Pagesix’, duke konfirmuar se reperi 26 vjeçar, po shqetësonte të tjerët.
“Ishte i dehur, ishte jashtë kontrollit”, shton dëshmitari okular. “Kishte shumë familje atje mbrëmë dhe ai po i shqetësonte njerëzit.”
Tekashi, i cili është me origjinë meksikane, ishte në LoanDepot Park për ndeshjen e Meksikës kundër Puerto Rico për World Baseball Classic. Në një video të postuar në rrjetet sociale , reperi shihet duke u ngritur në këmbë dhe duke bllokuar shikimin e fansave të tjerë teksa valëviste flamurin e tij të madh dhe tërhiqte rrjetën.
View this post on Instagram
Ai gjithashtu dukej se po humbiste ekuilibrin nga pirja e tepërt. Në një moment, rojet e sigurisë u panë duke i kërkuar Tekashit të largohej ndërsa dy nga miqtë e tij u përpoqën të ndërhynin.
Reperi u largua nga stadiumi, ndërsa ende valëviste flamurin e tij të madh dhe përshëndeti fansat.
