Rrugëtimi 103 ditor në shtëpinë e ‘Big Brother VIP Kosova’ mbaroi mbrëmjen e kaluar. Në fund, fitues doli reperi Stresi, i cili fitoi çmimin e madh prej 160 mijë eurosh, pasi pjesa tjetër u nda me banorët finalistë.
Mirëpo, asnjëri prej finalistëve nuk doli pa një shpërblim. Kështu, Juliana Nura, mori dhuratë një unazë nga vëllai i saj, si dhe iu bë e ditur se do të jetë imazh i një kompanie mielli për një periudhë njëvjeçare.
Mbresës iu bë edhe një ofertë që të bëhet prezantuese në Klan Kosova. Aktorit, Artan Thaçi iu ofrua një udhëtim në në Bodrum, ndërsa Vedati fitoi një udhëtim falas për në Dubai bashkë me familjen.
Stresit gjithashtu iu plotësua dëshira për realizimin e një dokumentari nga Art Motion.
Kujtojmë se reperi shqiptar fitoi çmimin e madh me 160 mijë euro, ndërsa secili finalist u shpërblye me 10 mijë euro. Në fund të finales, të gjithë banorët u bënë bashkë në një festë, aty ku festuan deri në orët e para të mëngjesit.
