Ben Affleck mohon të ketë qenë i mërzitur në ndarjen e çmimeve Grammy 2023 dhe pretendon se mimikat e tij që u bënë virale ishin për shkak të prezantuesit Trevor Noah i cili e kapi atë në befasi për një skeç.
“Pashë [Noah që afrohej] dhe thashë, ‘Oh, Zot’”, tha regjisori i “Argo” për Hollywood Reporter në një artikull të ri të botuar të enjten. “Ata po na inkuadronin në këtë xhirim, por nuk e dija që po rrotulloheshin.”
Pak para fillimit të skeçit, kamerat kapën Affleck duke biseduar me gruan e tij, Jennifer Lopez.
Ylli i “Gone Girl”, tha se ai kishte bërë shaka me J.Lo, duke i thënë asaj, “Sapo të fillojnë të rrotullohen, unë do të largohem nga ti dhe do të lë të ulesh pranë Trevor.” Ajo tha: “Më mirë të mos largohesh. Kjo është një çështje burrë e grua.””
Në skeçin në fjalë, Noah u shtir sikur po fliste në telefon me mamanë e tij pas performancës kontroverse të Sam Smith të “Unholy” dhe u tall: “Mami, nuk ishte djalli i vërtetë. Jo, ata thjesht ishin veshur si djalli, mami.”
Në atë kohë, prezantuesi ishte ulur pranë Lopez-it, e cila mund të shihej duke e përqafuar burrin e saj mes një bisede të shkurtër. Pasi momenti u bë viral, të gjithë, nga fansat e deri te ekspertët morën pjesë në analizën e Ben dhe se çfarë e shqetësoi atë.
Një lexues buzësh tha se Lopez i kërkoi burrit të saj, “Duku më miqësor. Duku më i motivuar.”
Ndërsa një ekspert i gjuhës së trupit pohoi se J.Lo ishte “qortuese” dhe ishte një përpjekje për të treguar “kontroll”.
