DEA, Agjencia amerikane e luftës kundër drogës, ka anashkaluar shtetin dhe ka ftuar në mënyrë të drejtpërdrejtë qytetarët shqiptarë të raportojnë çdo informacion për drogën apo për pastrimin e parave, në një numër të dedikuar.
Agjencia e SHBA Kundër Narkotikëve ka njoftuar krijimin e një linje të re sinjalizimi për Shqipërinë, sa i takon informacioneve për rastet e trafikut të drogës apo pastrimit të parave. Në një njoftim në rrjetet sociale, Ambasada Amerikane njofton se DEA do të mbajë të fshehtë çdo të dhënë të qytetarëve dhe ka dhënë një numër ku qytetarët mund të kontaktojnë: +1 571 502-7846.
NJOFTIMI ZYRTAR
“Agjencia e SHBA Kundër Narkotikëve njofton një linjë të re sinjalizimi për Shqipërinë. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në ËhatsApp në: +1 571 502-7846 ose me email në: albania_DEA_tipline@state.gov. Të gjitha të dhënat do të mbahen të fshehta. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët”.
