Princ Harry vazhdon të trazojë ujërat. Duka i Sussex-it së fundmi ka realizuar një intervistë, ku ka folur për librin e tij “Spare”.
“Unë sigurisht nuk e shoh veten si viktimë”,-kështu e nisi rrëfimin e tij Princi Harry.
“Jam vërtet mirënjohës që jam në gjendje të ndaj historinë time me shpresën se do të ndihmojë, fuqizojë, inkurajojë të tjerët dhe shpresojmë t’i lërë njerëzit të kuptojnë përsëri në përvojën njerëzore, që jemi në një formë të gjithë të lidhur, veçanërisht përmes traumës”,-vazhdoi ai.
Harry theksoi se kur filloi ta shkruante librin gjëja kryesore që dëshironte ishte që ‘të jetë një akt shërbimi’.
“E di sa e rëndësishme është të ndajmë këto histori; si mund të shpëtosh një jetë dhe të përmirësosh jetët sepse thuajse po u jep njerëzve leje të flasin për gjërat e tyre dhe të jenë vetvetja”,-tha Harry.
Duka i Sussex-it e tha me bindje se kurrë nuk ka kërkuar dhembshuri nga të tjerët, duke vënë në dukje: “Unë nuk kam kërkuar kurrë empati në këtë”.
Ai edhe njëherë vë në dukje se ka ndjerë se historia e tij do të “ndihmojë dikë ose disa njerëz atje”.
Princi britanik tha gjithashtu se megjithëse mund të ketë “humbur shumë” nga largimi nga jeta mbretërore së bashku me gruan e tij, Meghan Markle, në vitin 2020, në të njëjtën kohë, ai “ka fituar shumë”.
“Të shoh fëmijët e mi duke u rritur këtu, ashtu siç janë, thjesht nuk mund ta imagjinoj se si do të ishte e mundur në atë mjedis”, tha Harry.
“Mënyra që unë e kuptoj është se ju mund të përpiqeni çdo ditë të bëni më të mirën tuaj për të mos dorëzuar asnjë traumë që keni si prind, por nëse jeni ende të mbërthyer në të njëjtin mjedis, ndiheni disi të mposhtur”.
Intervista 90-minutëshe përfundoi me Harry-n i cili pranoi se hezitonte të zbulonte traumën rreth vdekjes së nënës së tij, Princeshës Diana.
