Tanimë po bëhet traditë që çiftet e krijuara në “Big Brother Vip” të takojnë vjehrrit, ndërsa janë ende brenda formatit.
Vjet ishte Dj Pm ai që takoi babain e Sarah Berishës, ndërsa këtë vit Luizi takoi babain e Kiarës. Mirëpo, edhe në “Big Brother Vip Kosova”, gjatë spektaklit të mbrëmshëm, Gresa takoi “vjehrrin” e saj.
E ftuar nga Jonida, takimit të Andit dhe babait të tij i është bashkuar edhe Gresa, ndërsa bashkë të tre kanë komunikuar për pak çaste.
Babai i Andit nuk hezitoi të bënte batuta, teksa e pyeti Gresën për eksperiencën e saj në “BBVK.” Takimi zgjati vetëm pak minuta dhe çifti u kthye në shtëpi.
Kujtojmë se javën e kaluar, Luizi ka takuar babain e Kiarës. Si tha ai takimi ka shkuar mirë dhe se çdo baba mendon se asnjë djalë nuk është i mirë për vajzën e tyre.
Kurse babai i Kiarës iu drejtua me fjalët çapaçul. Kiara ka rrëfyer dashurinë dhe lidhjen e ngushtë që ka me prindërit e saj.
Vëllai i Madh përgatiti një surprizë të veçantë për të. Moderatorja e emisionit Arbana Osmani, i tha se babai po e pret në oborr.
Por duket se surpriza nuk ishte vetëm për Kiarën, por edhe për Luizin. Luizi shprehu para tij dashurinë për Kiarën mes emocionesh dhe i premtoi babait të saj se do ta dojë e do ta respektojë gjithë jetën.
