Video e ngjarjes së ndodhur rreth një muaj më parë në kufi ka bërë xhiron e rrjetit nëpër media dhe ka shqetësuar opinionin publik.
Policia e Malit të Zi ka dhunuar kryetarin e Komisionit për Ekonominë dhe Financat në Partinë e Lirisë, Petraq Milon.
Ai ka qenë duke udhëtuar me familjen e tij drejt Malit të Zi, mirëpo është përballur me dhunë nga Policia.
Në video duket momenti kur polici i kufirit e kap nga fytyra Milon dhe më pas e nxjerr me forcë nga makina. Dhuna është ushtruar në mënyrën më të shëmtuar të mundshme, nga ai që identifikohet si zv.drejtori i Policisë Kufitare malazeze, Dragan Klikoovac.
Në disa media thuhet se pas bujës së videos janë marrë masa duke e shkarkuar nga detyra Klikoovac, ndërsa të tjera burime thonë se ai vazhdon ende të jetë në krye të detyrës, në pritje të një vendimi që mbase s’do të vijë kurrë.
“Iconstyle” vuri re se pas ndodhisë së bujshme në kufi, Klikoovac vazhdoi daljet publike dhe ushtrimin e detyrës së tij, duke marrë pjesë në konferencën “Western Balkans”, ku marrin pjesë edhe përfaqësues shqiptarë.
Këta të fundit ndanë së bashku mendimet me Klikoovac, që vetëm pak ditë më parë dhunoi në mes të rrugës qytetarin shqiptar!
Rikujtojmë se ngjarja e dhunshme ndodhi në janar të këtij viti dhe nuk dihen ende arsyet reale të irritimit të oficerit të policisë malazeze, që duket se kërcënon edhe verbalisht shtetasin shqiptar. Disa raportime flasin se z. Milo nuk kishte respektuar radhën në kalimin doganor, diçka që në çdo rast nuk justifikon në asnjë moment ushtrimin e dhunës, as verbale dhe as fizike.
Kjo urrejtje patologjike ndaj kombit shqiptar, tregon se është instaluar thellë edhe në uniformën shtetërore të Malit të Zi!
Lajmi mbetet në përditësim…
