Sarah Berisha është një nga vajzat më të ëmbla të showbiz-it shqiptar. Blogerja është kthyer në një nga emrat më të komentuar në rrjet pas pjesëmarrjes së saj në “Big Brother Vip Albania 1”.
Sarah ka marrë një vëmendje të veçantë edhe për romancën e saj me DJ PM, duke u kthyer në një nga çiftet më të preferuar të publikut.
Së fundmi, blogerja ka ndarë në Insagramin e saj një foto nga fëmijëria ku duket me motrën e saj. Ëmbëlsinë që e karakterizon edhe tani, Sarah e paska trashëguar që nga fëmijëria.
Kujtojmë që disa kohë më parë Sarah u përfol se ishte në pritje të ëmbël.
Por nuk vonoi shumë dhe të gjitha dyshimet u shuan nga vetë Sarah Berisha. E kontaktuar nga “Anabel.al”, blogerja ka konfirmuar, për të disatën herë, që nuk është në pritje të ëmbël.
PM, i cili nisi një romancë me blogeren brenda “Big Brother Vip”, me heret ka folur si rrallë herë për partneren e tij dhe planet për të ardhmen.
Mes të tjerash një ndjekës pyeti çiftin se kur kanë në plan të martohen ose të bëjnë një fëmijë së bashku. Dj Pm tha në përgjigjen e tij se martesa nuk është në planet e afërta të tij dhe Sarah, ndërsa shtoi se ende nuk e kanë menduar si gjë.
“Nuk e di, kur të vijë koha. Për momentin nuk është se e kemi bërë plan kështu që kur të vijë koha. Besoj që disa gjëra bëhen me kohën. Disa gjëra vërehen vetë. Por nuk e kemi menduar këtë pjesë, përkundrazi shumë shpesh tallemi me njëri-tjetrin “do të mbesim pa martuar”- u shpreh ai.
